و لــربـمــا اخـتـزن الـكـريـم لـسـانـه .... حـــذر الــجــواب و إنــه لـمـُـفـَـوَّه

و لربـمـا ابـتـسـم الــوقــور مــن الأذى .... و فـــؤاده مــن حـــره يــَــتـَـــأوَّه
.
علي بن ابي طالب

Sunday, December 2, 2007

وانت مالك

زكريا بطرس , نجيب ساويرس واخرون حمله غريبه لا افهمها بالمره

طول عمرنا في مصر مسيحين ومسلمين متعايشين سويا بشكل او باخر تحدث بعض المشاكل هنا وهناك في الصعيد والاسكندريه ووجه بحري وتمر بنا مر الكرام ونقول معلش شويه شباب مجنون ومش فاهم اتزان المعادله المصريه بكل اطيافها



لكن ان يتحول الامر لجدال بهذا الاتساع ونقاشات واتهامات متبادله وتدخل من الاخر في ما لا يعنيه من قريب او بعيد فهذا الغريب

والاكثر غرابه هو ان يكون التدخل من من وصفوا خارجيا دائما بانهم الأقليه في مصر عموما مش ده موضوعنا هما اقليه ولا لأ والفرق بين كونهم اقل من حيث العدد او التاثير في توجهات السياسه المصريه



المهم يا ساده هو هل كل مشاكلنا خلاص بقت تمام وعال العال والقاشيه معدن ومش لقين وقت نضيعه في حاجه عشان يتكلم مصري مسيحي في معتقدات دينيه وعبادات المصري المسلم اسف في لكلمه بس بقولها لساويرس وانت مالك بناتنا تلبس حجاب تلبس نقاب تلبس اللي تلبسه ملكش دعوه
اتكلم في ما يعنيك تكلم كرجل عمال واحنا نسمعلك انما تتحدث كرجل دين فتبقى حولت نفسك لنكته بايخه يا ساويرس اذا كنت حتى مش رجل دين مسيحي هتتكلم في الاسلام كمان!!!

اه كلمه اخيره
اتكلم من القلب
بس بلاش القلب الاسود الحاقد