و لــربـمــا اخـتـزن الـكـريـم لـسـانـه .... حـــذر الــجــواب و إنــه لـمـُـفـَـوَّه

و لربـمـا ابـتـسـم الــوقــور مــن الأذى .... و فـــؤاده مــن حـــره يــَــتـَـــأوَّه
.
علي بن ابي طالب

Tuesday, June 24, 2008

عجوز وعندي أسئلة

النهارده الصبح كنت بستمتع بمدونه العزيز سوووووو عجوز وعندي 30 سنة واذ فجأة عنيا تقرا اسم المدونة
عجوز وعندي اسئلة

يا ترى انهي اصعب
ان الشاب يعجز وهو في ال 30
ولا انا انه يعيش عمره لحد ما يعجز وتفضل جوانا الاسئله
كارثه بجد يا ولاد
كارثه لو عشنا عمرنا كلها من غير ما نلاقي اجوبه
كارثه لو كل مساهمتنا في الحياه هيا في طرح مزيد من الاسئله بدون ايجاد اجوبه للبعض على الاقل
ده مش تقليل من قيمه الاسئله
ومش اسقاط على اسئله الثانوية العامه اللي ملهاش اجوبه

لكنه سؤال جديد لا اجد له جواب

Monday, June 23, 2008

الرجل صنيعة الشدائد......والمرأه صنيعة المكائد

اصبري انتي وهيا
اقري اللي هيكتب الاول وبعدين ابقي قولي اللي انتي عايزة

الرجل صنيعه الشدائد
واشد ما يواجه الرجل في حياته هيا المرأه
مخلوق يصعب فهمة والتعامل معه
ويجب ان ترضيه

يا سلااااااااااااام

يعني لا مؤخذه واحده مش عارفه هي عايزة ايه والمطلوب مني انا اني اعرف هيا عايزة ايه واحققهلها والا ابقى مقصر
يا حلاوة يا ولاد

طب والعمل
بسيطة
شويه حيله
شويه دهاء
شويه لف ودوران

والهوبا يا ولاد
الزبون اتظبط وبقى اخر انبساط

بس في خسائر بسيطة
وانا وسط كل ده
وبلف وبدور وبعمل فهلوي
تعلمت هي مني الحيله
وبما ان المرأه تعشق التطوير
تطور حيل الرجل البسيطة لمكائد عظيمة
تصنع منها امرأه لا تقهر
امرأه من المكائد
...............


دمتم بود

السؤال ؟؟؟

سلام
حبيت اقول للي حابب يسمع واللي يهمه يعرف انا اختفيت ليه

اختفيت عشان سببين بنتشارك فيهم انا وكتير منكم بس لازم اقولهم :

1- البحث عن لقمه العيش( مطحون شغل )
2- اختفيت لان الأسئله كترت جويا

كل يوم بيجي بسؤال جديد
وكل سؤال اصعب من الأسئله اللي قبله
وعيب الاسئله يا اخونا انها بتفتح عنينا
بتخلينا نشوف

هتقوليلي بس الشوف مش عيب

الشوف مش عيب اه
بس لما تبقى بتشوف سكه للاجابه
لكن لما اللي تشوفه يكون بيخلق جواك اسئله اكتر
سؤال ورا سؤال
وما من مجيب

لكن النهاردة بس افتكرت ليه انا بدائت اكتب اللي جوايا
عشان تسعدوني نلاقي اجابه
او على الاقل نلاقي سؤال سهل شويه

دمتم بود