بلا عنوان

جلست الي طاولتي في ذلك المقهى فرنسي الطراز باحد شوارع مدينتنا الهادئه اتأمل قطرات من امطار الصباح الحزينه تاره والي الدخان المتصاعد من سيجارتي كيف يمتزج بالبخارالمتصاعد من القهوة ليرقصا سويا رقصه صباحية هادئه، وليملئا المكان بتلك الرائحه الغريبه التي طالما امنت انها رائحه انبعاث الحياه في جسدي من جديد واتذكر كلمات محمود درويش حين يقول "القهوة هي هذا الصمت الصباحي الباكر المتأني"، ترى هل كان درويش مدخنا هل استمتع بذالك المذيج الرائع، لا أعلم، اعود بنظري الي الزجاج لاجد المطر قد توقف وها هي الشمس تطل من خلف غيوم تنقشع وحلقات ملونه تبدو في الافق و... ويطل صوت الجرسون مقاطعا السيجاره وايدك يا استاذ

اطفئتها واشرب رشفه اخيره من القهوة لأخرج لدنيا جديده قد غسلتها دموع المطر

المصري والحد

وحشتني المدونه ووحشني الناس القليله في عددها الكبيره في قيمتها عندي وعند الكل اللي كانت بتعبرني من وقت للتاني وتقرا الكلام البسيط اللي على قدي اللي بكتبه

ليه اختفيت
اسباب كتير
مكنتش لاقي حاجة اكتبها مش عشان دماغي فاضيه حاشى وماشا انما عشان اللي كان فيها لو كتبته البت الغلبانه بنتي هتتربى وانا بعيد عنها

ام هند
يوه المهم

بصوا بقا ايه رائيكم نخرف شويه
انا هخرف يعني نؤقتا
هتكلم واتخيل حد بيرد عليا وقولولي كده ايه رائيكم

المصري : انت بتحب النبي
الحد عليه الصلاه والسلام ومين مبيحبوش
المصري: طب بتحب الصحابه
الحد : رضوان الله عليهم
ايه يا ابني الاسئله العبيطه دي اكيد بحب النبي وبحب الصحابه
المصري: طب هو الرسول عليه الصلاه والسلام كان ممكن يبقى في خير في دنيا ودنيتنا يعرفه ويكتمه عننا وميقولهوش
الحد: استغفر الله العظيم
ده انت عبيط رسمي بقى
يا ابني الرسول بلغ الراسله كامله واشهد ربنا سبحانه وتعالى على التبليغ اليس هو القائل : اللهم بلغت اللهم فاشهد
المصري: طب هو الصحابه ممكن يكون النبي قالهم على حاجة فيها خير لينا وخبوها عننا
الحد: اهو ده التخريف بعينه
اذا كان يا بني ادم دينا ده كله اللي اتعلمه من النبي عليه الصلاة والسلام هما الصحابه عليهم رضوان الله ونقلوه لينا
المصري : طب هو مش يمكن يكون احنا افهم من الناس دي في الدين واكتشفنا حاجه جديدة فيها خير الناس دي معملتهاش واحنا بنعملها
الحد: ناس مين يا متخلف اذا كنا احنا لما بنعمل اي حاجه بنرجع في صحتها وغلطها لسنه الرسول عليه السلام وواقوال وافعال الصحابه من بعده يعني هما اللي حجه علينا مش العكس
وكمان يا محترم هو انت مسمعتش لقوله صلى الله عليه وسلم : ( عليكم بسنتي وسنة الخلفاء الراشدين المهديين من بعدي ، تمسكوا بها وعضوا عليها بالنواجذ ، وإياكم ومحدثات الأمور ، فإن كل محدثة بدعة ، وكل بدعة ضلالة ) أخرجه أحمد 4/126 ، والترمذي برقم 2676 .

المصري : طب ما الواحد ممكن يعمل برده حاجه كويسه ويكون قصده خير والناس دي معملتهاش يبقى كده الواحد عمل بدعه حسنه ولا هتنكرها دي كمان
الحد: انت مسمعتش بقوله صلى الله عليه وسلم : " من أحدث في أمرنا هذا ما ليس منه فهو رد " أخرجه البخاري 3/167 رقم 2697 ، الفتح 5/355
ولو هتقولي على قول عمر في صلاة التراويح : ( نعمت البدعة هذه ) صحيح البخاري 2/252 رقم 2010 معلقاً ، الفتح 4/294 وجمع القرأن وكتابه الحديث فريح نفسك من دلوقتي دي حاجات ليها اصل في الدين مش محدثات
المصري طب....
الحد : بقولك ايه ما تجيب اللي عندك
المصري : اصل الشهر ده مولد النبي وعيد الام !!!
الحد : ( فإن تنازعتم في شيء فردوه إلى الله والرسول إن كنتم تؤمنون بالله واليوم الآخر ذلك خير وأحسن تأويلاًُ ) النساء /59

والسلام ختام