النهارده الصبح كنت بستمتع بمدونه العزيز سوووووو عجوز وعندي 30 سنة واذ فجأة عنيا تقرا اسم المدونة
عجوز وعندي اسئلة
يا ترى انهي اصعب
ان الشاب يعجز وهو في ال 30
ولا انا انه يعيش عمره لحد ما يعجز وتفضل جوانا الاسئله
كارثه بجد يا ولاد
كارثه لو عشنا عمرنا كلها من غير ما نلاقي اجوبه
كارثه لو كل مساهمتنا في الحياه هيا في طرح مزيد من الاسئله بدون ايجاد اجوبه للبعض على الاقل
ده مش تقليل من قيمه الاسئله
ومش اسقاط على اسئله الثانوية العامه اللي ملهاش اجوبه
لكنه سؤال جديد لا اجد له جواب
Subscribe to:
Post Comments (Atom)
7 comments:
يا ترى انهي اصعب
30ان الشاب يعجز وهو فى ال
ولا انا انه يعيش عمره لحد ما يعجز وتفضل جوانا الاسئله
.........
من الافضل اننا نسأل نفسنا الاسئلة اللى تخص كل مرحلة فى عمرنا
ومش نزحم عقلنا باسئلة مش فى وقتها
بكده هاتكون الحسبة أسهل
والاسئلة ابسط
والاجابة ممكنة
تحياتى للعزيز سوووو
وتحياتى لك
الله الله الله
بقى انت قاعد بتجيب في سيرتي وانا عمال اشرق من امبارح
هي دي الصحوبيه يا ابو عروستي لالا
لااااا
وكمان كاميللو معاكي وبتجيب في سيرتي
هي كده الدنيا
الطعنه ماتجيش غير من الضهر ياجرعاااان
----
حبه جد بقى
التساؤل اللي انت طرحته على نفسك وعلى غيرك في الموضوع ده .. من ضمن التساؤلات اللي بتخلي الواحد يحس من جواه بالعجز
احنا بقينا اشباه اشباح عايشين
مش عارفين فين ليه مين
عايشين وبس وخلاص
عارف يابو لالا .. ساعات باحس اني مش العجوز الوحيد
ساعات باحس اننا كلنا عجزنا وكبرنا من جوانا
مشكلتنا اننا عايزين نعرف كل حاجه في جزء من الثانيه
مشكله كبيره على فكره
بس ادينا بنحاول نتعايش معاها
واحشني والله يا خللود
سلامي لعروستي لالا .. وبوسهالي من هنا ومن هنا
انت هاتنزل مصر امتى ياعم .. عايزين نقعد نفتكر ايام الماضي السحيق
ربنا يريحلك بالك ويروقلك حالك ويسعدك ويبسطك ويكرمك ويوفقك دنيا وآخره
سلاموووووووووووز
قصدك يا كاميليا ان الاسئله اللي بتتولد جوانا ليها وقت محدد ومش المفروض تتولد ؟؟؟
طب ازاي
ازاي سؤال بيتولد جوايا اقوله لأ متتولدش
ازاي اعيش وسط ناس واشوف اخوالهم بتتغير يوم عن يوم والتغيير ميخلقش جوايا سؤال ؟
ازاي انا نفسي اتغير من ومسالش ليه وازاي وفين وامتى ؟
وازاي تقوليلي مسألش دلوقتي واقولك ليه مسالش دلوقتي ؟ ولما مسالش دلوقتي امال اسال امتى ؟ و و و و
وتحياتي
سووووو
بقى انتى اللي بتشرق وبتنطعن ؟؟؟
ده اسمه كلام يا راجل برده ده انت والله يسامحها ابي انتوا السبب ؟؟
وصدقني مش احنا اللي عايزين اجابات في لحظتها لأ
اللي حولينا هو اللي بيسالنا بيخلق جوانا اسئله بسرعه قوي لدرجه اننا مبقاش عندنا وقت نجاوب او حتى نفكر في الاجابه
ان شاء الله اكون في ارض الوطن الحبيب في رمضان ونضرب موزه سوا عند اوب خالد ونسترجع الماضي السحيق يا غالي
ويارب يديك ويهديك ويطعمك ما يحرمك وينصرك على مين يعاديك
قادر يا كريم
سلامووووووووووووووز
ايه ده خالد بجد انا مش مصدقه عويناتى انت ظهرت تانى انا زلاعانه منك
وبعدين تعالى هنا مالها آبى بقى يا خويا ولا تقصد ابى ده بابا المهم حمد لله على السلامه بجد
الله يسلمك يا ابي
ايون المقصود كان انتي مش ابويا والله يسمحك عشان الدنيا مش ناقصه اسئله وانتي شغاله اسئلة الله ينور
عرفتي بقول الله يسمحك انتي وسوووو ليه
تحياتي
بوست جميل و محير
أنا نفسي لفت نظري عنوان مدونة سو .. يمكن لأن أصبح في كتير من الشباب عندهم نفس الشعور .. هل هي ضغوط الحياة او الاحلام اللي اصبح صعب تحقيقها و لا أحباطات متوالية حولت سنوات الشباب لشيخوخة ؟ الأسباب كتير و الشعور عام
أما سؤالك
يا ترى انهي اصعب
30ان الشاب يعجز وهو فى ال
ولا انا انه يعيش عمره لحد ما يعجز وتفضل جوانا الاسئله
بأظن أن الأنسان ح يعيش و يموت و لسه جواه أسئلة كتير بدون أجابات
سعيدة بالمرور الاول على مدونتك
و دمت بكل الخير
Post a Comment