كلمني بالهجايص
مسرحيه العيال كبرت
الواقع اننا اننا جيل بيتكلم بالهجايص لحد بعيد
ده مش جديد
لكن الواضح ان الهجايص ستشغل في الفتره القادمه مساحه كانت بتشغلها حاجات حلوه كتير جوانا
فقد اصبحت بلوبيف بلوبيف من كلمات الغزل ذات العيار الثقيل
واصبح علي علوكه واشرف كخه هما رمز الاصدقاء
واصبح عند امه يا ادهم هيا المرادف الجديد لكلمه مستحيل
وغيرهم الكثير
عموما لننتظر سوايا الصيف القادم محملاً بمرادفات جديده للغتنا الجميله
مع السلام عليكم
5 comments:
يا مان روق كده وخليك انتيخ
التهييس في الحوارات بقى كووول
وبعدين ظبط طموحاتك ان الانتمه بتأثر على البيس الداخلي للمان مننا
امانه عليك لو فهمت حاجه من اللي انا قلته ابقى اديني رنه
سلاموووووووووز
مدونة حلوة حقيقى
انا قريت البوست ده بس
لكن هارجع تانى علشان اكمل الباقى
دمت بكل الود
كاميليا
السلام عليكم
الأول ازيك يا خالد أنا أول مره أخش علي المدونه يتاعتك..بس بجد مدونه هايله وفيها مواضيع أكتر من رائعه صراحه
ثانيا مش اللغه بس اللي بقت في الهجايص مش اللغه بس فيه حجات حلوه كتير ماتت جوانا يمكن علشان ظروف العصر والحياه والمعيشه الزفت اللي احنا عايشنها زي ما انت شايف يمكن ده يكون السبب في كده
المهم علي فكره أحب أقولك أني راجعلك تاني ان شاء الله علشان ليا كلام معاك كتير بخصوص العلمانيه والأسلام
الموضوع ده مهم أوي علي فكره لأننا في مصر الدنيا بتتقدم من حوالينا ولسه لغايه دلوقتي بندور علي الطريق اللي نمشي فيه
في الأخر ألف تحيه ليك يا خالد وألف تقدير ليك ...سلااااااااام
ها أنا في ضيافتك أخي خالد
الموضوع الذي طرحته هنا مهم جدا و قد
يبدو من الخارج و كأنه نكتة ..لكن في
الحقيقة يجب علينا جميعا ان نقف و نحاسب
انفسنا لما وصلنا إليه من هذا الانحطاط
الاخلاقي و الانساني
و نكاد نصبح (أمة في الهجايص )
خالد : شو يعني الهجايص ؟
انا طبعا سمعتها من سعيد صالح في المسرحية
افهم ان معناها الكلام الفارغ
هل انا محقّ؟
جو غانم
joe75.jeeran.com
الاختلاف في الرأي لا يفسد للود قضية
بين الاحرار و الاخوة اخي خالد
ـ في اشارة لنقاشنا عند الصديقة العزيزة نواره نجم
شوف يا محب
الهجايص يا مان هيا تركيب الحوارات على الشناكيت او الاناتيخ بالطريقه وفي البيس خالص زي السكينه في الحلاوة يعني
اتمنى يكون المعنى وضح
تحياتي
Post a Comment