ايه الموضوع بقى ؟
بدون مقدمات ده العنوان اللي قريته في موقع جريدة المصري اليوم :
طبيب في «معهد التدريب» يتقاضي ٢٢ ألف جنيه.. مقابل محاضرتين في الأسبوع لمدة ٣ أشهر!
اولا اثتان وعشرون الف تيتتتتتتت وشويه فكه عشان خاطر الحبايب
ثمانين مليون تيييييييييييت بعدد سكان مصر الغلابه اللي المبلغ ده بالنسبه لكتير فيهم حلم ممكن يفتح بيه باب رزق يعيش منه
ثلاثه ونص مليون تيييييييت بعدد المصريين اللي طلعان عنيهم في الغربه واللي الغالبيه العظمى منهم مبتحصلش نص المبلغ دهمائه وثمانون الف تيييييييييت بعدد اطباء مصر اللي بيقبضوا 120 جنيه في الشهر
وتيت تيت تيت تيت تيت تيت
نيجي بقلى للباشا ابو 22 الف بيعمل ايه في مقابل الفلوس دي
مش يمكن يا جماعه الراجل ده بيقدم خدمه عظيمه وعنده علم نادر الوجود وبيدرب علماء ذره ولا خبراء اقتصاد ولا حتى خبراء سباكه هيقدر يحلوا مشكله المياه في بلد النيل
الغريبه ان الاستاذ الدكتور الجهبذ بيقدم تدريب اعتيادي للمسعفين في المعهد القومي للتدريب، التابع لوزارة الصحة،
وربنا لا يكتب على حد منكم ويتعامل مع هؤلاء المسعفين العباقره اللي تدريبهم بيتكلف كل ده
نتوغل شويه في الخبر نلاقي ان الباشا ده مش لوحده كده ده في عشرين استاذ اخر بس للانصاف الخبر ذكر انهم اقل منه شويه
ده غير السيد مستشار وزير الصحه اللي بيقبضوه 38 الف وشويه فكه
المشكله الكبيره والتيت الكبيره في الموضوع ان المصري اليوم مشكوره لم تدع لي فرصه ان اظن ان المعهد من الجهات ذات الثراء الفاحش فالمعهد المحترم قد قررالاتي بدايه عام 2008
تقديم ساندويتش وكوب شاي فقط لكل متدرب، بدلاً من ٢ ساندويتش و٢ قطعة جاتوه وكوب شاي، وذلك لضغط المصروفات وعدم وجود موارد مالية في المعهد.
بصراحه مش قادر اسكت اكتر من كده
حمرا
( الكتابه اوعوا تفهموني غلط )
7 comments:
اهم حاجة شوية الفكة...والله محدش يسأل بقى فلوس البلد بتروح فين...ادينا متغربين ومتبهدلين عشان واحد زي البني ادم دة ياخد المبلف دة معلش الارقام بتعملي صداع
ربنا يهديهم ويصلخ البلد
مدونة جميلة بجد تحياتي
يعنى ايه طيب؟
هاتفضل تقول تييييت كده كتير؟
مش تشوف ايه سبب التييييت؟
وبعدين شوف هو عمل ايه علشان يوصل لل 22 الف دول
تحياتى
كاميليا
سمكة
الارقام دي صدعتك ؟؟؟
دي ارقام دكتور على قد حاله امال لو طلعنا فوق شويه هيبقى الصداع شكله ايه ؟؟؟
تحياتي
كاميليا
بتسالي نعمل ايه ؟
اعتقد لحد ما يجي الوقت اللي يكون فيه فعل حقيقي كل اللي نقدر عليه اننا نفضحهم
اما كونه عمل ايه عشان ياخد ال22 ولا 38 بتوع الباشا اللي اكبر منه فمش هيا دي المشكله ولا حتى الارقام
المشكله ان معهد زش ده بيرشد المصروفات على المتدربين في الوجبه اللي بتتقدملهم وفي نفس الوقت يدفع الارقام دي
اظن تناقض مستفز
تحياتي
بجد هي حمرا جداا علي فكرة مع ان دة ضد مبادءي اني اقول كدة بس انت استفزتني بجد كلامك يعني سوري وحسبي الله ونعم الوكيل مدونتك جميلة صديقك مشمش
ده ايه الحلاوة دي
وايه المواضيع بنت الـ تييييييييت
بالك يابو لالا .. خليهم بس يدولي ربع المرتب ده
ربع المرتب
وكتاب الله هعلم المسعفين يكشفو ازاي ويغنو ازاي ويرقصو ازاي ويسوقو عربياتهم ازاي
ومش كده وبس
لأ
هجبلهم الجاتوه على حسابي كمان
ملحوظه
حمرا
عربيات الاسعاف .. حمرا
في ابيض
سلامووووووووووز
بالك انت يا ابو سوووو
خايف لو ربنا كرمك بالمرتب ده تبطل تدون ومتعبرنيش انا والمدونين الغلابا
والخوف الاكبر
لو تلعيمك الاسعافات ليهم بنفس مستوى تعليمك التمثيل ليا ساعتها يبقى كل واحد يموت في فرشته اجدع
تحياتي
Post a Comment